លោក សម រង្ស៊ី ចាត់ទុកលោក ជា ស៊ីម ជាវីរបុរសជាតិ
លោក សម រង្ស៊ី មេដឹកនាំគណបក្សប្រឆាំងបានទៅគោរពវិញ្ញាណក្ខន្ធមេដឹកនាំគណបក្សកាន់អំណាច លោក ជា ស៊ីម កាលម្សិលមិញ ហើយបានចាត់ទុកមេដឹកនាំកំពូលរូបនេះថាជាវីរបុរសជាតិ ដែលមានឧត្តមគតិស្នេហាជាតិដូចសម្តេចឪ នរោត្តម សីហនុ។ ថ្លែងទៅកាន់អ្នកកាសែត បន្ទាប់ពីគោរពវិញ្ញាណក្ខន្ធ លោក ជា ស៊ីម ប្រធានគណបក្សប្រជាជនកម្ពុជានៅគេហដ្ឋានរបស់គាត់ ក្នុងខណ្ឌចំការមន រាជធានីភ្នំពេញ មេដឹកនាំគណបក្សសង្គ្រោះជាតិ លោក សម រង្ស៊ី បានសរសើរលោក ជា ស៊ីម ថាមានឧត្តមគតិស្នេហាជាតិ និងប្រដូចលោក ជា ស៊ីម ទៅនឹងសម្តេចឪ នរោត្តម សីហនុ ដែលចង់ឲ្យអ្នកស្នេហាជាតិកម្ពុជាទាំងអស់មានការរួបរួមគ្នា និងធ្វើការជាមួយគ្នាដើម្បីបុព្វហេតុប្រទេសជាតិ ហើយលោកបានចងចាំថា នៅពេលលោកទៅសួរសុខទុក្ខលោក ជា ស៊ីម កាលពីឆ្នាំមុន លោក ជា ស៊ីម បានប្រាប់លោកឲ្យរួបរួមគ្នាជាមួយអ្នកស្នេហាជាតិកម្ពុជាទាំងអស់ដើម្បីការពារប្រទេសរបស់យើង។ …
មាស សុខជា
http://bit.ly/1L1yOqw
